Саха сиринээҕи СПИД утары охсуһуу уонна сэрэтии киинигэр ФЛГ хоһо арылынна. Бу сыстыганнаах ыарыылары, чуолаан ВИЧ ыарыылаах дьону арыаллыыр сэллик ыарыытын утаарарга уонна эрдэтинэ сэрэтэргэ улахан хардыы буолуоҕа диэн киин пресс-сулууспата иһитиннэрэр.
«Анал хос Проматрикс-РП диэн ФЛГ аппаратынан хааччылынна, бу ыарыыны толору чуолкайдыырга ордук табыгастааҕынан биллэр тэрил. Саҥа хоско сэллик ыарыылары булар скрининг чинчийиилэрин оҥорор буолуохпут» , — диэн киин сүрүн бырааһа Александра Золотарева бэлиэтээн эттэ.
Санатан эттэххэ, флюорография тыынар уорганнар ыарыыларын булар уонна инфекция тарҕаныытын эрдэтинэ сэрэтэр биир табыгастаах ньыма буолар.
