Куонкуруска уопсайа 20 хамаанда кыттыыны ылбыт. Салалта пресс-сулууспатыгар иһитиннэрбиттэринэн сорох оҥоһуктары -50 кыраадыс тымныы сатыылаан турар кэмигэр чочуйан таһаарбыттар.
Ол курдук, түмүккэ кыайыыны Арктика көрдүүр-быыһыыр этэрээтэ ситиспит. Кинилэр Уот Дьөһөгөй күнү кытта сандааран турар хаар оҥоһуктара муҥутуур биһирэбили ылбыт.
Оттон Дьокуускайдааҕы 4-с №-дээх баһаарынай-быыһыыр чааһын оҥоһуга үрүҥ көмүс наҕараадаҕа тиксибит. (икки ат көлөлөөх Тымныы оҕонньор) Итиэннэ анал баһаарынай чаас сэргэ аттыгар турар саха атын хаар оҥоһуга боруонсанан наҕараадаламмыт.
«Хас биирдии чааска тарбахтарыгар талааннаах, айар-тутар үлэһиттэр бааллар. Бэлэмнэнии үлэтэ кыһын саҕаланыаҕыттан тэриллэр. Ол курдук, оҥоһук эскииһэ, хаары, мууһу бэлэмнээһин. Сорох үлэни чочуйан таһаарарга кырата суох бириэмэ барар», — диэн кыттааччылар үллэстэллэр.
Хаартыска: Саха сиринээҕи ЫБММ пресс-сулууспата
