СӨ байыаннай комиссара Александр Авдонин иһитиннэрбитинэн, Саха сириттэн ыҥырыллыбыттар сулууспаларын бастайааннай олохсуйбут пууннарга Илиҥҥи байыаннай уокурук чаастарыгар ааһыахтара. Россияҕа сааскы хомуур муус устар 1 күнүттэн саҕаламмыта.
«Сааскы хомуур 2023 сылга муус устар 1 күнүттэн от ыйын 15 күнүгэр диэри ыытыллар. Ону таһынан, 14 хотугу муниципальнай тэриллиигэ сааскы хомуур ыам ыйын 1 күнүттэн от ыйын 15 күнүгэр диэри буолар. Былааҥҥа призывник ахсаана элбээбэтэ. Ол оннугар быйылгы былаан ааспыт сыллааҕар 100 киһинэн аҕыйах», – диэн Александр Авдонин эттэ.
Военкомат байыаннай сулууспаҕа ыҥырыы хампаанньатын ыытарыгар, коронавирус дьаҥын утары охсуһар бары миэрэлэри тутуһар, учуоттуур.
«СӨ Доруобуйатын харыстабылын кытта бииргэ үлэлэһэбит. Өрөспүүбүлүкэҕэ бары байыаннай комиссариаттар коронавируһу быһаарар тестэринэн хааччылыннылар», – диэн СӨ байыаннай комиссара иһитиннэрдэ.
