Саха сириттэн сылдьар Иван Луцкан уонна Анна Алексеева «Россия Лидердара. Доруобуйа харыстабыла» куонкурус 100 бастыҥнарын ахсааныгар киирэн, финалга аастылар. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.
Финал аҥардаах түһүмэх түмүгүнэн Анна Алексеева «Бастыҥ бырайыагы көмүскээччи» анал аат хаһаайына буолла. Кытааччылар бэлиэтииллэринэн, Уһук Илиҥҥи уокурук холобуругар үп өттүттэн хааччахтаах уонна уустук усулуобуйалаах сиргэ медицинскэй өҥөнү оҥорууга ураты болҕомто ууруллубут.
30 кыайыылаах аатын кулун тутар 5 күнүгэр биллэриэхтэрэ. Олортон 10 бастыҥ кулун тутар 27-31 күннэригэр Сочига ыытыллар суперфиналга кыттыыны ылыахтара.
2020 сылга «Доруобуйа харыстабыла» хайысхаҕа Россия бары регионнарыттан 9745 сайаапка киирбитэ этиллэр. Полуфиналга 54 регионтан 237 кыттааччы ааспыт, олортон сэттэтэ Уһук Илиҥҥи уокуруктан, ол иһигэр Саха сириттэн — икки.
Куонкурус Россия бэрэсидьиэнин иитинэн үлэлиир Россиятааҕы норуодунай хаһаайыстыба уонна судаарыстыбаннай сулууспа академиятын өйөбүлүнэн ыытыллар.
