Саха спортсменнара «Ерофей Хабаров» көҥүл тустууга бүтүн Россиятааҕы күрэххэ ситиһиилээхтик кытыннылар, биэс кыһыл көмүс мэтээли ыллылар. Бу туһунан «Спорт Якутии» иһитиннэрэр.
Ону тэҥэ сүүмэрдэммит хамаанда старшай тренерэ Станислав Захаров этэринэн, тустууктар түөрт боруонса мэтээли ылбыттар.
Ол курдук, Александр Иванов (61 киилэҕэ), Вальтер Владимиров (70 киилэҕэ), Одун Сергеев (79 киилэҕэ), Алексей Ефимов (86 киилэҕэ) уонна Эдуард Максимов (125 киилэҕэ) бастаатылар.
Валентин Бурнашев (57 киилэҕэ), Василий Яковлев (65 киилэҕэ), Сергей Николаев (92 киилэҕэ) уонна Кузьма Сивцев (125 киилэҕэ) үһүс миэстэ буоллулар.
Салгыы хамаанда алтынньы 15-17 күннэригэр Благовещенскай куоракка ыытыллар Ковалев аатынан Бүтүн Россиятааҕы турнирга кыттара бэлиэтэннэ.
