Саха тыйаатырын труппатыгар саҥа дириэктэр Петр Макаровы билиһиннэрдилэр.
Петр Макаров Щепкин аатынан Үрдүкү театральнай училищены бүтэрэн баран, манна артыыстан саҕалаан дириэктэри сүрүн боппуруостарга солбуйааччыга тиийэ үлэлээбит. Тыйаатыр уонна киинэ артыыһын быһыытынан толору арыллыбыт. «Тыгын Дархан» саҥа киинэҕэ сотору сүрүн оруоллартан биирдэстэригэр көстүөҕэ. Билигин тыйаатырга өрөмүөн үлэтэ түмүктэнэн эрэр. Саҥа 115-с сезоҥҥа Андрей Борисов, Руслан Тараховскай, Сергей Потапов режиссердаах үс бырайыак сүрэхтэниэхтээх.
Петр Тимофеевич Макаров 1981 сыллаахха Хаҥалас улууһугар төрөөбүт. Щепкин аатынан Үрдүкү театральнай училищены, Г.Г. Даманян аатынан сыана искусствотын үрдүкү оскуолатын бүтэрбит.
