Саха сириттэн сылдьар Петр Дмитриев балаҕан ыйын 19 күнүгэр Элиста куоракка аан бастакытын аатырбыт «FIGHT NIGHT GOLBAL 97» булкаас биирдиилээн хапсыһыыга кыттыаҕа. Бу туһунан «Спорт Якутии» иһитиннэрэр.
«Петр Үөһээ Бүлүүттэн төрүттээх. Кини дэгиттэр байыас буолар, стойкаҕа да, партерга да тустуон сөп. Миирнэйгэ ыытыллыбыт «Алдан ыҥырыыта» уонна «Алмаас кыраайын ыҥырыыта» турнирдар, ону тэҥэ Дьокуускайга Алексей Никифоров кэриэһигэр ыытыллыбыт турнир кыайыылаахтарынан буолар», — диэн кини тренерэ, «Sakha Wrestling MMA» кулууп салайааччыта Иван Охлопков кэпсээтэ.
24 саастаах саха бөҕөһүн утарсааччытынан Колмыкияттан сылдьар грепплиҥҥа разрядтаах, Колмыкия национальнай тустуутун маастара Дорджи Дораев буолар.
Күрэхтэһии Колмыкия өрөспүүбүлүкэтин 100 сылыгар уонна Элиста куорат төрүттэммитэ 155 сылыгар ананар тэрээһиннэр чэрчилэринэн ыытыллар.
Тустуу бэстибээлин бырагырааматыгар булкаас биирдиилээн күөн көрсүһүү быраабылаларынан аҕыс хапсыһыы киирдэ. Ону тэҥэ аан дойду күүстээх спортсменнара кыттыылаах Калмыкия национальнай тустуутун Гран-прита ыытыллыаҕа.
