Сунтаар улууһун тыатын хаһаайыстыбатын салалтата уонна агро хайысхалаах оскуолалар биир ситимнээх үлэни саҕалаатылар. Ол курдук, ыччаты төрүт салааҕа сыһыарар курдук «Саха ыччата — тыа хаһаайыстыбатыгар» бырайыагы олохтоотулар.
Бырайыак ситиһиилээхтик, таһаарыылаахтык үлэлиирин туһугар улуус баһылыга Анатолий Григорьев этиилэри киллэрдэ, оҕолорго тустаах сүбэлэри биэрдэ.
Бырайыак сүрүн тутула — улууска таһаарыылаахтык үлэлии турар хаһаайыстыбалар үлэлэрин билсии, илэ көрүү-истии. Онон бүгүн оҕолор Сунтаар, Кириэстээх, Бүлүүчээн, Наахара хайысхатынан айаны тутуохтара.
Маннык үлэ көмөтүнэн ыччат дьон анал идэни баһылыылларыгар төһүү күүһүнэн буолуоҕа, олугу ууруоҕа.
