Кулун тутар 15 күнүгэр Дьокуускай Сайсары күөлүгэр ахсыс төгүлүн ыытыллар «Аҕа күрэҕэ» буолуоҕа.
«Тэрээһиҥҥэ аҕалар уолаттарын кытта кыттыахтара», — диэн «Кыым» телеграм-канаал суруйар.
Сааскы ураты күрэхтэһиини Куорат дьаһалтатын уопсастыбаннай сибээскэ уонна ыччат бэлиитикэтигэр, физическэй култуураҕа уонна спорка управлениелара, Дьокуускай куорат аҕаларын сүбэтэ уонна «Северное сияние» ХЭТ тэрийэллэр.
Кыттааччылар эр дьон сатабылын көрдөрүөхтэрэ. Ол курдук, бэйэни билиһиннэрии, бэрэбинэни сулуйуу, эрбэтии уонна хайытыы, ойбон алларыы, остуолбаҕа ыттыы, уоту оттон чэйи оргутуу, булчут биатлона диэн түһүмэхтэр бааллар.
Күрэхтэһиилэр сарсыарда 10.00 чаастан киэһэ 17.00 чааска диэри буолуохтара.
Икки кыайыылаах аатын сүкпүт хамаанда кулун тутар 29–30 күннэригэр өрөспүүбүлүкэтээҕи күрэххэ кыттыаҕа.
Хаартыска: Дьокуускай дьаһалтатын пресс-сулууспата.
