Күнү-дьылы кэтээн көрөөччүлэр иһитиннэрэллэринэн, салгын температурата түүн минус 18 кыраадыска диэри намтыа. Бу туһунан Россия күнү-дьылы кэтээн көрөр киин сүрүн научнай үлэһитэ Роман Вильфанд тириэртэ.
«Саха сиригэр бу күннэргэ тымныйара күүтүллэр. Түүн минус 18 кыраадыска диэри намтыа, маннык температура нэдиэлэ бүтүөр уонна кэлэр нэдиэлэ саҕаланыар диэри туруо», — диэн синоптик бэлиэтээтэ.
Маны таһынан, Вильфанд этэринэн, алтынньы 6 уонна 7 күннэригэр хотугу улуустарга сөкүүндэҕэ 22 миэтэрэ түргэннээх тыалырыа.
Бүгүн, алтынньы 6 күнүгэр, өрөспүүбүлүкэ киин куоратыгар, сөкүүндэҕэ 4-9 миэтэрэ түргэннээх тыалырыа. Күнүс салгын температурата 0, +2 кыраадыс буолара күүтүллэр.
