Бүгүн Россия Дьоруойа Александр Леваков Саха сириттэн туппут суругун суруйбут оҕо көстүбүтүн туһунан, Марха 2-с нүөмэрдээх оскуола учуутала Алена Малышева сиһилии кэпсээбитэ куйаар ситимигэр тарҕанна.
Улуус баһылыга Василий Алексеев Владигы уонна кини ийэтин Виктория Евгеньевнаны кытта видеосибээһинэн кэпсэттэ.
«Сурук ааптара Владик Нездвецкэй оччолорго Марха 2-с нүөмэрдээх оскуолатын 4 «в» кылааһын үөрэнээччитэ эбит, алын сүһүөх кылааһын бүтэрбитин кэннэ, Саратов куоракка көһөн, билигин Олимпийскай резервэ оскуолатыгар 7-с кылааска үөрэнэрин туһунан кэпсээтэ. Владик суруйбут суруга Россия Дьоруойа Александр Леваковка тиийэн, сэрии саҕаланыаҕыттан харысхал буолбут күндү сурук ааптара буолбутун истэн ийэтэ уйадыйда, аҕалара анал байыаннай дьайыыга сылдьан сураҕа суох сүппүтүн туһунан кэпсээтэ»,- диэн иһитиннэриигэ этиллэр.
Хаартыска: Алена Малышева архыыбыттан/ Уус Алдан улууһун дьаһалтатын телеграм-ханаалыттан
