Санитарнай нуорманы кэспит маҕаһыыннары сабыахтара

Атыыһыт коронавируһунан киирбит быраабылалары кэстэҕинэ, маҕаһыыны сабыахтара. Ил Дархан Айсен Николаев бу туһунан брифинигэр эттэ. Олохтоохтортон маҕаһыыннар бэрээдэги тутуспаттарын туһунан элбэх үҥсүү киирэр эбит. «Атыыһыттар мааска, бэрчээккэ кэппэт түгэннэрэ бааллар. Оннук маҕаһыыннарга кытаанах накаастабыл буолуоҕа. Сабыллыыга тиийэ», – диэтэ кини.