Бэҕэһээ, ахсынньы 15 күнүгэр Санкт Петербург куорат Невскэй проспегар тахсыбыт суол саахалыгар эмсэҕэлээбит саха уолун туруга ыарахан.
Бу туһунан Instagram ситимҥэ быраата Леонид Анисимов иһитиннэрдэ. Кини этэринэн, эмсэҕэлээбит уол сиһин тоноҕоһо эчэйбэтэх уонна комаҕа сыппатах. Леонид бэйэтин аккаунугар харчы хомуйуутун туһунан биллэрдэ.
«Харчынан көмө кини үтүөрэригэр олук буолар. Биһиги Спирабыт билигин ыарахан туруктаах сытар, атаҕар турарыгар уонна үтүөрэригэр өйөбүл наада», — диэн Леонид Анисимов суруйар.
Инники этиллибитинэн, ахсынньы 15 күнүгэр Невскэй проспекка массыына икки суолу туораан иһэр киһини түҥнэри көппүт. Биир киһи тута тыына быстыбыт.
Санкт Петербург куорат борокуратуурата тириэрдэринэн суоппар итирик туруктаах эбит. Быһылаан чахчытынан холуобунай дьыала тэрилиннэ.
