«Сэһэн сирэ» биэриигэ: Чурапчы уһуйаанын сэбиэдиссэйэ Екатерина Иванова уонна педагог Мария Саввина

«ОҔО САХАЛЫЫ САҤАРБАТ БУОЛЛА!» диэн кыһалҕа баар буолла. Кырдьык, кырачааннарбытын көрдөрбүтүнэн смартфон саҥатыгар былдьатан эрэрбит мэлдьэх буолбатах. Сахалыы саҥарар оонньуулары, ойуулуктары (мультфильмнары) дэлэтии, оҕо литературатын ис хоһоонун байытыы кыалла илигинэ бу кыһалҕа иэдээҥҥэ кубулуйар кутталлаах.
Дьолго, бу хайысхаҕа суолу тэлэн иһэр айымньылаах үлэлээх биирдиилээн уһуйааннар, оскуолалар бааллара эрэли үөскэтэр.
«СЭҺЭН СИРИГЭР» Чурапчы «Улыбка» уһуйаанын сэбиэдиссэйэ Екатерина ИВАНОВА уонна эбии үөрэхтээһиҥҥэ педагога Мария САВВИНА аныгы кэмҥэ оҕону төрөөбүт тылынан иитии-сайыннарыы үтүө холобура буолар үлэлэрин билиһиннэрэллэр.