Суолга куттал суох буолуутун судаарыстыбаннай инспекцията уонна Россельхознадзор Саха сиринээҕи салаатын исписэлиистэрэ «Лена» бэдэрээлинэй айан суолугар 19 сэлии муоһун үлтүркэйин туттулар. Бу туһунан Интерфакс иһитиннэрэр.
«Дьокуускайтан Благовещенскайга айаннаан испит массыына иһигэр бэтэринээринэй атаарар суруга суох, үс миэстэлээх 19 сэлии муоһун үлтүркэйин буллулар», — диэн этиллэр.
Россия кодексын «Сүөһү бородууксуйатын тиэйии, көһөрүү уонна өлөрүү, эбэтэр бэлэмнээһин, оҥоруу, харайыы уонна атыылааһын бэтэринээринэй-санитарнай ирдэбилин кэһии» диэн ыстатыйанан административнай дьыала тэрилиннэ. Сэлии муостарын тутан ылан бүрүөлээх харайыыга уктулар.
