Благовещенскай куоракка балаҕан ыйын 12-19 күннэригэр ыытыллыбыт «Амурская осень» киинэ уонна театр бэстибээлигэр саха режиссера Степан Бурнашев уһулбут киинэтэ «Сэттээх Сир. Ыйаах» анал бирииһи ылла.
Бу туһунан бэстибээл Instagram аккауна иһитиннэрэр.
Саха киинэтин тэрийэр кэмитиэт «За обращение к традициям и памяти предков» диэн биириһинэн наҕараадалаата. Бэстибээлгэ «Сэттээх Сир. Ыйаах» киинэ сүрүн оруолун толорбут Виолетта Христофорова уонна оператор-постановщик Петр Иванов сырыттылар.
Куонкурус бырагырааматыгар уопсайа 13 үлэ киирбит. Гран-при үрдүк аатын Наталья Назарова «Райцентр» киинэ ылла.
«Сэттээх Сир. Ыйаах» 23 саастаах Алена Москваттан Дьокуускайга кэлэр. Кини манна ийэтэ сураҕа суох сүтэр. Полицияларга биллэрэллэр. Салгыы кыыс ийэтэ таксинан Сымыр диэн дэриэбинэҕэ барбыта биллэр. Алена онно барарга сананар.
