«Якутия 24» ханаал бу саас өрөспүүбүлүкэ киин куоратыгар ыытыллыбыт «Тотальнай диктант-2021» чэрчитинэн «Школы Драматургов Арктики» медиа бырайыак маастар-кылаастарын көрдөрүөҕэ.
Саха сирэ «Россия саамай ааҕар региона» бүтүн Россиятааҕы куонкурус түмүгүнэн кыайыылаах буолбута, ол эрээри билигин Арктика суруйааччыларын туһунан аҕыйах киһи билэр.
«Школа драматургов Арктики» — бэрэсидьиэн граннарын пуондата өйүүр уһулуччулаах оскуола. Суруйааччылар маастар кылааһы театральнай ааҕыыны кытта дьүөрэлээн ыыталлар. Уһуллуу Санкт-Петербург эдэр артыыстарын толорууларыгар «Красин» мууһу солуур аалга ыытылынна.
Бу Россия ааҕааччытыгар Арктика литературатын билиһиннэрэр уонна ыччаты сайыннарар сыаллаах киэҥ бырайыак.
«Школы Драматургов Арктики» бастакы дьоруойа биллиилээх суруйааччы, педагог, ЯГУ выпускнига Андрей Геласимов буолла.
