Бүгүн, сэтинньи 3 күнүгэр, Кулаковскай аатынан норуоттар доҕордоһууларын киинигэр, «СЛОВО и ДЕЛО» норуоттар доҕордоһууларын былаһаакката СВО кыттыылаахтарын өйөбүлүгэр тэриллэр. Бырайыак партнердара: «Волонтеры Саха» уопсастыбаннай хамсааһын, «Дьокуускай куорат» куорат уокуругун дьаһалтатын Уопсастыбаннай сибээс уонна ыччат политикатын управлениета, «Доброволецтар» уопсастыбаннай волонтерскай хамсааһын, «Якутия с тобой» Саха сириттэн мобилизованнайдары өйүүр уопсастыбаннай хамсааһын, «Патриот» урбаанньыт волонтердар сообществолара, Саха сирин норуодунай фрона уо.д.а.
Дьокуускай үрдүк үөрэх кыһаларын устудьуоннара, ыччат тэрилтэлэрин лиидэрдэрэ харысхал оҥорууга, харыстыыр сиэккэни өрүүгэ, бааһырбыттарга сыттыгы оҥорууга, саллааттарга сурук суруйууга уонна видео иһитиннэриини устууга кыттыһыахтара. Тэрээһиҥҥэ СВО кыттыылаахтара кэлиэхтэрэ, дьоҥҥо-сэргэҕэ олохторун-дьаһахтарын сырдатыахтара, боппуруостарга эппиэттиэхтэрэ.
Тэрээһин бүтүүтүгэр бары «Улахан этнографическай дьыктааҥҥа» кыттыахтара.
