Бу күннэргэ, атырдьах ыйын 16-18 күннэригэр, Башкортостан өрөспүүбүлүкэтин киинигэр Уфаҕа көҥүл тустууга юниордарга (21-гэр диэри саастаахтарга) аан дойду үрдүнэн бастыыр иһин күрэхтэһии буола турар. Бу туһунан «Спорт Якутии» иһитиннэрэр.
Манна 70 киилэҕэ диэри ыйааһыҥҥа Россия сүүмэрдэммит хамаандатыгар Саха сириттэн Станислав Свинобоев кыттар.
Бүгүн кини боруонса мэтээл иһин киирсиэҕэ. Станислав бэҕэһээ бастакы киирсиитигэр (финал 1/8)— Турция бөҕөһүн Оздемиры 6:4 ахсааҥҥа кыайбыта, салгыы Индия тустуугун Джайдип Джайдибы (финал 1/4) 6:2 ахсааҥҥа хоппута. Онтон финал аҥаарынааҕы киирсиигэ Азербайджан бөҕөһүттэн Джабраил Гаджиевтан 6:1 ахсааҥҥа хоттордо.
Онон Станислав салгыы боруонса мэтээл иһин тустуоҕа.
