Бу күннэргэ Саха сирин олохтоохторо уонна байыаннай тэрилтэлэр көмөлөрүнэн СВО-ҕа түөрт массыынаны ыыттылар. Анал байыннай дьайыы кыттыылаахтарын эбии тэрилинэн хааччыйарга суһал штаб быһаарыныы ылла. Хантараак түһэрсэн атыылаһан саҕалаатылар.
Бу туһунан кулун тутар 27 күнүгэр СӨ Гражданскай көмүскэлин миниистирэ Дмитрий Лепчиков брифиҥҥэ иһитиннэрдэ.
«СӨ биир кэлим координационнай киинин экспердэрин сэбиэтин ааспыт мунньаҕар араас үрдүк технологическай оборудованиелар, ол курдук, портативнай дрон детектор икки көрүҥэ, беспилотнигы саба баттыыр уонна булар тэрил көрүлүннэ», — диэн кини эттэ.
Дмитрий Лепчиков бэлиэтииринэн, байыастары снаряд бытархайыттан харыстыыр «Куйах» диэн тэрилинэн хааччыйыы үлэтэ бара турар. Саха сирин байыастарын хас биирдилэрин үлтүркэйтэн харыстыыр анал матырыйаалынан хааччыйыахтара.
«Ону таһынан эрдэ хантараак баттаммыт оборудованиенан хааччыйыы үлэтэ салҕанар. Саха сирин тирэх пууннара СВО кыттыылаахтарыгар өрөспүүбүлүкэттэн ыытыллар баһыылканы тохтоло суох тиэрдэ тураллар», — диэн Дмитрий Лепчиков сырдатта.
