Быйыл Сунтаар улууһуттан Саха сирин кыһыл кɵмүс кинигэтигэр үс ыал киирдэ.
Ол курдук, Сунтаар ытык-мааны ыаллара Бɵтүрүɵптэр, Ксенофонтовтар уонна Сэмиэнэптэр буолаллар.
Дария Дмитриевна, Никифор Михайлович Ксенофоновтар эн-мин дэһэн олорбуттара 64 сыл буолла. Кинилэр билиҥҥигэ диэри сиэттиспитинэн сир аһыгар сылдьаллар, оҕуруот аһын кыайа-хото үүннэрэллэр.
Галина Егоровна, Афанасий Гаврильевич Петровтар үлэни ɵрɵ туппут ытык-мааны ыаллар 14 оҕолоохтор, бииргэ таптаһан олорбуттара 51 сыл буолбут.
Тамара Николаевна, Николай Макарович Семеновтар иккиэн бочуоттаах сынньалаҥҥа диэри учууталлаабыт ытык-мааны дьон. Билигин дьиэ кэргэн экономикатын тутулунан ыччат дьоҥҥо холобур буолаллар.
