Аҕа дойдуну көмүскээччилэр дьиэ кэргэттэрин кэмитиэтин ыйан-кэрдэн биэрээччитэ Жанна Макарова көҕүлээһининэн волонтерскай хамсааһын үлэтин саҕалаата.
Бастакы күн бэйэ-бэйэлэрин кытта билсэн, араас оонньуулары оонньоон доҕордоһуу сыһыаны олохтоотулар. Инникитин араас көмөнү оҥорууга бэлэмнэрин биллэрдилэр.
Волонтердар этэрээттэрэ «Партизан» норуот айымньытын театральнай киинин иһинэн үлэлиэҕэ. Кырдьаҕас дьоҥҥо көмө быһыытынан тимуровскай үлэлэри тэрийиэхтэрэ, АБДь-га сулууспалыы сылдьар уолаттарга гуманитарнай көмөнү хомуйууга, бэлэмнээһиҥҥэ үлэлиэхтэрэ, араас тэрээһиннэргэ бэрээдэги көрүүгэ-истиигэ көмө буолуохтара.
«Билиҥҥи уустук кэмҥэ үтүө дьыаланы оҥоруу, чөл толкуйдаах буолуу инники күөҥҥэ тутуллар уонна дьоҥҥо-сэргэҕэ ытыктанар, биһирэнэр дьыала» — дииллэр оҕолор.
Оҕолорго волонтер киниискэтэ туттарылынна. Манна хас биирдии оҥорбут үтүө дьыалалара сурукка тиһиллэн, сыл бүтүүтэ бастыҥ волонтер аата биллиэҕэ.
