Сунтаарга 2016-2022 сылларга 40-тан тахса социальнай эбийиэк, элбэх кыбартыыралаах дьиэ тутуллубут. Ол курдук, 1 385 төбөҕө 21 хотону, үс оскуоланы, түөрт оҕо уһуйаанын, түөрт култуура уонна спорт эбийиэгин, эдэр исписэлиистэргэ сэттэ дьиэни уонна хаарбах дьиэттэн дьону көһөрүү бырагырааматынан сэттэ элбэх кыбартыыралаах дьиэни туппуттар.
Быйыл Кириэстээххэ 120 миэстэлээх оскуоланы АЛРОСА үбүгэр туппуттар. Билигин түөрт нэһилиэккэ «Моя Якутия в 21 веке» үтүө дьыала бырагырааматынан 116 эдэр дьиэ кэргэн олорор усулуобуйаны тупсарыыга субсидия ылбыттар. Ону кытта Сунтаар сэлиэнньэтигэр уу систиэмэтин оҥороллор — Бүлүү өрүскэ водозабор туталлар.
Бу туһунан улуус дьаһалтата Ил Дархан Айсен Николаев Сунтаарга сырыытын кэмигэр иһитиннэрдилэр.
