Олунньу ыйыгар СӨ ситэриилээх былааһын ааспыт сыллааҕы үлэтин отчуота буолан ааспыта. Манна буоларын курдук олохтоохтор олоҕу-дьаһаҕы тупсарар, сайдыыны түстүүр соруктаах олус элбэх боппуруоһу туруорбуттара:
- Сунтаарга күөх төлөн хаһан кэлиэҕэй?
- Федеральнай суол толору хаһан оҥоһуллуоҕай?
- Биһиги нэһилиэкпитигэр ФАП, саҥа оскуола, уһуйаан, култуура дьиэтэ хаһан тутуллара былааннанарый?
- Хамнас, социальнай төлөбүрдэр, биэнсийэ хаһан үрдүөҕэй?
Маннык хас биирдии киһини долгутар ыйытыктары дьүүллэһэн, ырытыһан олоххо киллэрэр курдук үлэ барар. Мунньахха ылыныллыбыт соруктары салгыҥҥа ыйаабакка анал исписэлиистэри кытта видео-сибээс нөҥүө мунньах ыытылынна. Мунньаҕы Правительство бэрэссэдээтэлин солбуйааччы Георгий Степанов иилээн-саҕалаан ыытта.
