Сиэйэ нэһилиэгэр биллиилээх лирик бэйиэт, талааннаах суруналыыс Н.И. Харитонов-Николай Чуор 90 сылыгар аналлаах «Эрэнэ олохпун аныыбын» диэн Ньурба, Сунтаар улуустарын айар куттаахтара кыттыылаах улахан тэрээһиҥҥэ Элгээйи нэһилиэгиттэн «Кулуһун» уус-уран түмсүү, «Дьүһүйүү» фольклорнай ансамбыл, «Оһуор» култуура киинин исписэлиистэрэ көхтөөх кыттыыны ыллылар.
Николай Чуор тылларыгар, Григорий Попов дьүрүскэнигэр «Элгээйибин ахтабын» ырыаны уонна «Элгээйи вальса» хоһоону уус уран ааҕан ыалдьыттарга бэлэхтээтилэр.
«Түгэн-олох кэрчигэ, умнуллубат дьиктитэ!», – бэриллибит тиэмэнэн кылгас кээмэйдээх тута хоһуйуу күрэһэр «Кулуһун» уус-уран түмсүү салайааччыта Изабелла Макарова-Толоон Туорааҕа Кылаан кыайыылаах буолан харчынан бириэмийэ тутта.
