Саха сиринээҕи УОООП МВД салайааччыта, полиция полковнига Семен Ефремов Бүлүү бөлөх улуустарыгар үлэлиир. Анал бөлөҕүнэн уопсастыбаннай бэрээдэккэ уонна түөкүннээһин хайысхатыгар сэрэтэр үлэни ыыталлар.
Бүгүн Сунтаар улууһун баһылыга Анатолий Григорьевтыын, Сунтаардааҕы Ис дьыала отделын салайааччыта, подполковник Анатолий Филатовтыын, уопсастыбаннай бэрээдэги көрүүгэ полиция начальнигын солбуйааччы Артем Афанасьевтыын уонна норуот дружинатын кытта көрсөн үлэ хаамыытын билистилэр, бу эйгэҕэ туох-ханнык үлэ барыахтааҕын кэпсэттилэр.
Норуот дружината полиция үлэтигэр көмөтө сүҥкэн. Кинилэр дьон маассабайдык мустар сирдэригэр уопсастыбаннай бэрээдэги көрөллөр, быраабы кэһии тахсыбатын туһуттан рейдэлэри тэрийэллэр. Маннык баҕа өттүнэн бэрээдэги көрөр-истэр дружина чилиэннэригэр көрсүһүү кэмигэр махтал суруктары туттардылар.
