Сунтаар улууһун күнүгэр ыытыллыбыт спорт көрүҥнэриттэн биир дьон болҕомтотун тардыбыт көрүҥүнэн скиппинг (скакалка) буолла.
Скакалка нөҥүө ыстаныы — доруобуйаны тупсарыыга биир саамай боростуой ньыма буолар. Баара суоҕа 1,5 м кэтиттээх, 2 м уһуннаах ыстанар сир наада. Саҥа саҕалааччылар икки атахтарыгар сымнаҕастык уһаабыта 15 мүн. ыстаныахтарын сөп. Холобур, 20 сөк. — ыстаныы, 10 сөк. — сынньаныы.
Оҕолорго, эдэр дьоҥҥо туһата үгүс: иммунитет, уҥуох, былчыҥ бөҕөргөөһүнэ, тулуурдаах буолуу о.д.а.
Кимиэхэ бобуулаах көрүҥүй диир буоллахха, сүрэхтэрэ ыалдьар, тымырдара мөлтөх, уҥуохтара көмүрүө буолбуттарга, систэригэр грыжалаахтарга көҥүллэммэт эбит. Барыта 25 кыттааччы оҕо сааһын санаан астына ыстанна.
