Сунтаар улууһугар уот төлөбүрүн тарыыбыгар уларыйыылар киириилэрин хонтуруоллуурга үлэ барар.
Бу күннэргэ уот төлөбүрүн тарыыба үрдээһинин, ол эбэтэр дотацияны туһаныыга хааччахтары туруоруу тула нэһилиэнньэ ортотугар улахан дьүүллэһиилэр таҕыстылар.
Ол курдук, урукку кэмнэргэ СӨ сыана бэлиитикэтин кэмитиэтэ туруорбут субсидиялаах тарыыбынан толору туһанан олорбут буоллахтарына, билигин ыйга 6.500 кВт диэри хааччах турда. Мантан элбэҕи туһаннахха субсидията суох тарыыбынан төлүүллэр.
Сунтаар улууһун баһылыга Анатолий Григорьев «Энергосбыт» Сунтаардааҕы салаатын салайааччыта Петр Павловы кытта көрүстэ. Сунтаар улууһа уотунан ититиигэ холбонон олорор ураты улууһунан буолар. Онон маннык дьаһаныы табыгаһа суоҕун өйдөөн, олохтоохтору долгутар боппуруоһу быһаарыыга үлэ барыахтаах.
Көрсүһүү түмүгүнэн тарыып туһаныыта хааччаҕа суох буоларыгар үлэни ыытарга быһаарыныы ылылынна.
