Өрөспүүбүлүкэҕэ суукка иһигэр коронавирустан уопсайа 906 киһи үтүөрбүт, итиэннэ 45 киһи балыыһаҕа киирбит. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
Суукка иһигэр 486 киһи ыалдьыбыта бэлиэтэннэ, ол иһигэр 25,5%-на Дьокуускайга, 74,5%-на — улуустарга. Кулун тутар 19 күнүгэр ыалдьыбыт дьон 13,8%-на балыыһаҕа сытан эмтэнэр, таһыттан — 86,2%.
«COVID-19-нан ыалдьыы түбэлтэтин 15-кэ диэри %-на «дельта» штамы кытта сибээстээх. Маны таһынан, вакцинаны ылбатах дьон ыалдьыыта бэлиэтэнэр», — диэн иитиннэриигэ этиллэр.
Ааспыт сууккаҕа өрөспүүбүлүкэҕэ коронавируска 3 643 чинчийиини, пандемия саҕаланыаҕыттан уопсайа 2 172 437 тест оҥордулар.
COVID-19 утары вакцина бастакы компоненын 605 053 киһи ылбыт, бу өрөспүүбүлүкэ аҕа саастаах нэһилиэнньэтин 84,4%-гар тэҥ. Ревакцинацияны 150 106 киһи ааспыт.
