Анал байыаннай дьайыы кыттыылааҕа Василий Винокуров «Защитники Отечества» пуонда өйөбүлүнэн «Сахатранснефтегаз» хампаанньаҕа суоппарынан үлэҕэ киирбит. Бэтэрээн этэҥҥэ үлэлии сылдьар уонна эйэлээх олоххо төннөн иһэр.
Василий сулууспата «Ахмат-спецназ» этээрээти кытта хантыраак түһэрсиинэн саҕаламмыт. Спецназ Россиятааҕы университетыгар бэлэмнэнэн баран анал байыаннай дьайыыга бойобуой сорудахтары толоро барбыт.
Демобилизация кэнниттэн бэтэрээн «Защитники Отечества» пуонда филиалыгар тахсыбыт. Киниэхэ социальнай координаторынан Вера Стручкованы анаабыттар. Вера социальнай өйөбүллэри комплекснай көмөнү оҥорбут, ол иһигэр сир учаастагын докумуоннарын хомуйууга эмиэ.
