Мэҥэ Хаҥалас улууһун Нөөрүктээйи нэһилиэгин олохтооҕо, анал байыаннай дьайыы кыттыылааҕа Айнар Слепцов Аллараа Бэстээх бөһүөлэгин киинигэр бэйэ дьыалатын тэринэн, эр дьон баттаҕын кырыйар өҥөнү оҥорор дьоҕус тэрилтэтин үлэлэтэн саҕалаата.
Айнар 2022 сыллаахха хантыраак баттаһан, анал байыаннай дьайыыга Ийэ дойдутун көмүскээн, бойобуой бааһырыылаах төннөн кэлэн, социальнай хантыраак нөҥүө 350 тыһыынчалаах үп ылан дойдутугар бэйэ дьоҕус дьыалатын арынна. Онуоха Аллараа Бэстээххэ баттах кырыйар анал кууруска үөрэннэ.
Дьокуускай куоракка анал байыаннай дьайыы кыттыылаахтарын өйүүр «Аҕа дойдуну көмүскээччилэр» судаарыстыбыннай пуонда эйэлээх халлааҥҥа олоҕу салҕыырга күүс-көмө буолан реабилитация баран, өйөбүллэрэ улахан диэн Айнар санаатын үллэһиннэ.
Хаартыска: «Эркээйи» хаһыат
