Анал байыаннай дьайыы кыттыылаахтара уоппускаларын кэмигэр чугастааҕы судаарыстыбаннай балыыһаҕа медицинскэй амбулаторнай көмөнү ылар кыахтаннылар.
Бу туһунан РФ Оборуонаҕа министиэристибэтин көҕүлээһининэн уонна РФ Доруобуйаҕа харыстабылын министиэристибэтин өйөбүлүнэн бэлэмнэммит уураахха илии баттаатылар.
Бу быһаарыыны дойду бэрэсидьиэнэ Владимир Путин сорудаҕынан ыллылар. Уураах анал байыаннай дьайыы кэмигэр үлэлиир буолла.
Бу иннинэ өскөтүн байыас булгуччулаах мэдиссиинэ страховкатын полиһа суоҕунан сибээстээн уоппускаҕа да сылдьан медицинскэй көмөнү РФ Оборуонаҕа министиэристибэтин балыыһаларыгар эрэ ылар кыахтаах этэ. Ол эрээри бу балыыһалар дойду бары регионнарыгар баар буолбатахтар. Быһаарыныы медицинскэй көмөҕө наадыйар байыастарга тоҕоостоох буолуоҕа.
Хаартыска: Россия Бырабыыталыстыбатын телеграм-ханаала
