Ил Дархан Айсен Николаев сорудаҕынан өрөспүүбүлүкэтээҕи социальнай-чэбдигирдэр киин СВО кыттыылаахтарын уонна кинилэр дьиэ кэргэттэрин салгыы эмтиир. Ааспыт сыл от ыйыттан кииҥҥэ 175 СВО кыттыылааҕа уонна 138 кинилэр дьиэ кэргэттэрэ реабилитация куурустарын аастылар диэн реабилитация киинин дириэктэрэ Асида Алексеева сэтинньи 30 күннээҕи брифинигэр эттэ.
«Анал байыаннай дьайыы кыттыылахтарын реабилитацияларын бырагырааматын чэрчитинэн социально-психологическэй уонна социально-медицинскай көмөлөрү оҥоробут», – диэн Асида Алексеева бэлиэтээтэ.
Арчы дьиэтигэр ыытыллар алгыс байыастар санааларын көтөҕөр.
«Самородок» бассейны кытары бииргэ үлэлээһин салҕанар, Полежаевтар көмө пуондата байыастарга иппотерапияны уонна гидрокинезотерапияны ыыталлар.
