Тɵлɵпүɵн түɵкүттэрэ күннэтэ элбии тураллар. Кинилэр угаайыктарыгар киирэн биэрээччилэр эмиэ үгүстэр. Аҥардас Сунтаар улууһугар быйылгы кɵрдɵрүүнэн уон үс киһи түбэһэн уон үс мɵлүйүɵнү сүтэрбит. Ити ɵссɵ биллэринэн.
Билигин үгүс дьон билбэт нүɵмэрдэрин ылбат буола сатыыллар, ол эрээри сорох туруубканы кɵтɵҕɵн, түɵкүттэр ылыннарыылаах тылларыгар киирэн биэрэн мɵлүйүɵнүнэн харчыны атын киһи хармааныгар ыыппыттара эрэ баар буолар. Аны ватсап илдьитинэн билэр киһиҥ аккаунун алдьатан киниттэн кɵмɵ кɵрдɵɵн эрэйдиир, түɵкүттэр саҥа ньымалара элбии тураллара кыһыылаах.
Сунтаар Ис дьыалатын отделын участковайа Степан Константинов этэринэн: «Түɵкүттэр аны салайааччылар ааттарыттан кытта суруйан, биллэн албынныыр буолбуттар уонна ватсап илдьитинэн билэр киһигиттэн «кɵмɵлɵс» диэн илдьит ыытан киирэн биэрбиттэр элбэхтэр». Полиция үлэһиттэрэ тɵлɵпүɵн түɵкүттэрин кытта үлэни күннэтэ ыыталлар. Угаайыкка киирбит дьон харчытын тɵнүннэрэр сыаллаах Красноярскайга, Воронежка, Иркутскайга, Новгородскай уобаласка тиийэ ирдэспит түгэннэрэ бааллар.
Тускулаана Горохова-Кобельянова.
