Дьокуускай түмэлэ төрүттэммитэ 125 сылыгар дириэктэр Егор Спиридонович Шишигин олохтообут «Түмэлгэ бэриниилээх буолуу иһин» Ытык бэлиэни туттарыы үгэһин сөргүтэр.
«Түмэлгэ бэриниилээх буолуу иһин» Ытык бэлиэ Саха сирин култууратын үйэлээх баайын харыстааһыҥҥа, түмэл үлэтин тарҕатыыга салгыы актыыбынай үлэни көҕүлүүр сыаллаах олохтоммута.
Бу бэлиэнэн түмэл үлэһиттэрэ, бу эйгэҕэ уһун сыллаах үлэлэрин иһин, итиэннэ Саха Өрөспүүбүлүкэтигэр түмэл дьыалатын сайдыытыгар бэйэлэрин сүдү кылааттарын киллэрбит атын дойдулаахтар эмиэ наҕараадаланаллар.
«Түмэлгэ бэриниилээх буолуу иһин» ытык бэлиэни Оксфорд үнүбэрсиэтин профессора Сотери А. Мусалимас, СӨ Национальнай уус-уран түмэлин дириэктэрэ Ася Габышева, Үөһээ Дьааҥытааҕы «Тымныы полюһа» кыраайы үөрэтэр түмэл дириэктэрэ Варвара Кириллина, Аллараа Халыматааҕы Хотугу норуоттар историяларын уонна култуураларын түмэлин дириэктэрэ Александра Бережнева бастакынан туппуттара.
