Дьокуускайга Таалай күөлгэ тротуары сыыһа уурбуттарын икки нэдиэлэ устата көннөрүөхтэрэ. Бу туһунан Ил Дархан иһинэн үлэлиир архитектура управлениетын пресс-сулууспата иһитиннэрэр.
«Гарантия чэрчитинэн күөл кытыытын саҥардыыга үлэлээбит ″ТИИТ″ ХЭТ барытын көннөрүөҕэ. Саха сиригэр тутуу кэмэ кылгаһа уонна федеральнай сокуон харгыстары үөскэттэ. Национальнай бырайыак харчытын сыл устата туһаныахтааххын, ол иһин биһиги плиткалары күһүн тымныйбытын кэннэ уурбуппут. Гарантиянан барыта көнүөҕэ, олохтоохтор ону өйдүүргүтүгэр көрдөһөбүт», — диэбит Саха сирин кылаабынай архитектора Ирина Алексеева. Толорооччу, «ТИИТ» ХЭт дириэктэрэ Дмитрий Федоров этэринэн от ыйын 19 күнүгэр диэри үлэ түмүктэниэҕэ.
