Ыам ыйын 7 күнэ – норуодунай худуоһунньук Иван Васильевич Попов төрөөбүт күнэ. Бу иитинэн Таатта улууһун Уолба дьоно-сэргэтэ «Уолба «Ньургуһуннары» ааҕар» бырайыак чэрчитинэн «Дьэҥкир Алып» айар түмсүү кыттыылаахтара сонун тэрээһини ыыттылар.
«Иван Васильевич Попов хартыынатын нэһилиэгинэн уруһуйдуубут» бырайыакка кыттыстылар. Барыта 100 чаастан турар хартыынаны нэһилиэк 100 олохтооҕо кыратыттан кырдьаҕаһыгар тиийэ уопсай биир хартыынаны уруһуйдаан таһаардылар.
Хартыынаны нэһилиэк ытыктанар киһитэ, уран тарбахтаах уус Михаил Трофимович Боппосов, «Айылгы» аҕам саастаахтар сүбэлэрин актыбыыһа Аида Ивановна Борисова уонна 2025 сыл бастыҥ уруһуйдьута 4 кылаас үөрэнээччитэ Алина Софронова арыйдылар. Бастакы киистэ уруһуйун Иван Васильевич Попов хаан-уруу аймаҕа, уруһуй учуутала Тамара Софроновна Афанасьева түһэрдэ.
