Таатта улууһун Даккы уонна Кыйы сэлиэнньэлэрин чугаһыгар баар ойуур баһаардарын кэлэр суккааҕа умуруораллара былааннанар. Бу туһунан СӨ экологияҕа министиэристибэтин пресс-сулууспата иһитиннэрэр.
Атырдьах ыйын 28 уонна 29 күннэригэр Таатта Даккы уонна Кыйы сэлиэнньэлэрин чугастарыгар ойуур баһаардара бэлиэтэммиттэрэ. Билиҥҥи туругунан баһаар көрдүгэннэрэ төгүрүйүлүннүлэр, кэлэр сукка иһигэр умуруораллара былааннанар.
Кыйы чугаһыгар атырдьах ыйын 27 күнүгэр олохтоох нэһилиэнньэ баһаартан куттал суох буолуутун ирдэбилин кэһиититтэн үөскээбит өссө биир ойуур баһаара, нэһилиэнньэлээх пуунатан 17 килэмиэтир тэйиччи баар.
Уоту утары охсуһууга «Авиалесоохрана» парашютнай-бааһарнай сулууспатын биэс үлэһитэ, «Якутлесресурс» 25 үлэһитэ, үс олохтоох нэһилиэнньэ уонна 6 тиэхиньикэ кыттыыны ылар. Баһаары төгүрүйүү ыытыллар.
