Саха литературатын төрүттээбит суруйааччыларыттан биирдэстэрэ, драматург, прозаик, бастакы комедиограф Н. Д. Неустроев төрөөбүтэ 130 сылынан театрализованнай көрүү күрэс буолла.
Манна Алдан нэһилиэгин тэрилтэлэрэ уонна Н.Д. Неустроев аатынан орто оскуола үөрэнээччилэрэ кыттыыны ыллылар.
Олохтоох дьаһалта үлэһитэ Николай Винокуров Омуннаах Уйбаан уобараһын арыйан, «Бастыҥ эр киһи оруола» ааты ылла, оттон «Харыйачаан» уһуйаан үлэһитэ Евдокия Степанова Алааппыйа эмээхсини оонньоото — «Бастыҥ дьахтар оруола» аат.
Чаҕылхай оонньууну көрдөрөн, оҕо искусствотын оскуолатын Уус Тааттатааҕы филиалын, олохтоох баһаарынай чаас кэллэктииптэрин уонна 8 кылаас үөрэнээччилэрин бөлөҕө «Кылаан чыпчаалы» ылан, үрдүк үөрүүнү биллилэр.
