Табаҕа аттынан Өлүөнэ өрүскэ биллибэт уу суудуната уот линиятын таарыйбыт. Бу туһунан «Якутскэнерго» хампаанньа пресс-сулууспата иһитиннэрэр.
Ол түмүгэр бэҕэһээ, ыам ыйын 26 күнүгэр Дьокуускай сорох оройуонугар уонна кытыы бөһүөлэктэргэ уот арахса сылдьыбыт.
«Өлүөнэ өрүс үрдүнэн ааһар уот ситимин боруобата сорох сиринэн эмсэҕэлээбитэ билиннэ. Биллибэт суудуна хамаандата уот эбийиэктэрин чугаһыгар сэрэхтээх буолуу ирдэбилин кэспитин түмүгэр, уот боруобатын таарыйан, икки ситим арахсыбыта саарбаҕа суох», – диэн ЦРЭС салайааччыта Алексей Березовский кэпсээтэ.
Тэрилтэ исписэлиистэрэ ЫБММ тырааныспарга Хотугулуу-Илиҥҥи линейнэй управлениетын аатыгар сайабылыанньа биэрбиттэр.
