«Биһиги — Россия кэскилэбит». Ил Дархан Айсен Николаев Ил Түмэн дьокутааттарын уонна өрөспүүбүлүкэ уопсастыбаннаһын иннигэр оҥорбут Анал этиитигэр 2020 сылы Патриотизм сылынан биллэрдэ. Аныгы кэм патриота хайдах буолуохтааҕый?
Биэрии ыалдьыттара Анал ыҥырыыга этиллибитин курдук, дьон-сэргэ олоҕун тупсарыы, социальнай эбийиэктэри уонна дьон олорор дьиэтин тутуу, инфраструктураны сайыннарыы, суолга-иискэ, тырааныспарга болҕомтону ууруу, Арктика балаһатын сайыннарыы туһунан санааларын үллэһиннилэр.
Тыа сиригэр олорор дьон үлэлиир-хамсыыр көҕүн күүһүрдэр туһуттан урбаан үөрүйэхтэригэр үөрэтиигэ, бизнескэ сүбэлиир-үөрэтэр үлэни күүһүрдэргэ турбут соругу тобуларга, киһи бэйэтин кыаҕар эрэнэн, дьиэ кэргэнин дохуотун үрдэтэргэ бигэтик туруннаҕына эрэ, судаарыстыба көмөтө-өйөбүлэ көдьүүстээх буоларын туһунан этиилэр тула дьүүллэстилэр.
Манна үлэ хайдах барыахтааҕый? Өрөспүүбүлүкэ дьаһалтатыттан туох өйөбүл ирдэнэрий? Нэһилиэнньэ ханнык кыһалҕаларыгар сүрүн болҕомто ууруллуохтааҕый?
Бу туһунан сиһилии «Талбан» биэриигэ көрүҥ.
