«Север рядом. Якутскими тропами» 12 киһилээх экспедиция «Бурлак» вездеходтарынан бүгүн, бэнидиэнньиккэ, киин куораттан тэйиччи баар хотугу улуустарга айаҥҥа турунна.
Экспедицияны Россоюзспас уонна ыксаллаах быһыы-майгы министиэристибэтэ тэрийэн ыытар. Хамаанда уон нэһилиэнньэлээх пууну таарыйан төннөр былааннаах.
Айанньыт Артем Петров этэринэн, манна тырааныспар мууһунан, хайанан, дэхси сиринэн, үрдэллэринэн айанныа. Экспедицияҕа дьону таһар уонна айаҥҥа аналлаах «Бурлак» вездеходтары туһаныахтара. Тиэхиньикэ минус 60-тан 40 кыраадыска диэри ананан оҥоһуллубут.
Айан тэйиччи баар нэһилиэнньэлээх пууннарга таһаҕаһы сиринэн тиэрдии болдьоҕун аччатарга туһааннаах. Маны таһынан бырайыак туризм сайдыытын үөрэтэргэ кыах биэриэ.
