«Точка будущего» үөрэтэр комплекс тутуллуохтаах сирэ үс сир учаастагын холбоон 37,9 гааҕа диэри кэҥиэн сөп. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
Ил Дархан Айсен Николаев «Нам» айан суолун киириитигэр баар Жатай сирин учаастагын көрдө. «Новый дом» благотоворительнай пуонда бырайыак олоххо киирэригэр көмөлөһүөҕэ.
Өрөспүүбүлүкэ баһылыгын иһинэн үлэлиир тутуу уонна архитектура управлениетын салайааччыта Ирина Алексеева иһитиннэрэринэн, учаастак инженернэй инфраструктура ситиминэн хааччыллыылаах уонна үс учаастагы холбоон кэҥиэн сөбүн иһитиннэрдэ. Оҕолоох элбэх ыал олорор Жатай бөһүөлэгиттэн уонна Саталтан чугаһын бэлиэтээтэ.
Тыһыынча миэстэлээх аныгы үөрэх комплексын тутуу быһа холоон биэс миллиард солкуобайга тэҥнэспитин туһунан этиллэр. Бу оскуолаҕа оҕолор босхо үөрэниэхтэрэ, ону тэҥэ баһыйар аҥара атын дьиэ кэргэҥҥэ иитиллэр оҕолор буолуохтара.
«Точка будущего» бырайыак тутуута 2021-2022 сылларга саҕаланара былааннанар, 2022-2023 сылларга олоххо киириэҕэ.
