Былааннаммыт өрөмүөн үлэтинэн сибээстээн Саха сирин сорох нэһилиэнньэлээх пууннарыгар тохсунньу 18 күнүгэр цифровой телевидение уонна араадьыйа быстах кэмҥэ арахсыаҕа. Бу туһунан өрөспүүбүлүкэтээҕи араадьыйанан уонна телевидениенэн иһитиннэрэр киин пресс-сулууспата тириэрдэр.
«2021 сыл тохсунньу 18 күнүгэр олохтоох бириэмэнэн 08.00 чаастан 17.00 чааска диэри Дьокуускайга, Нерюнгрига, Миирнэйгэ уонна Лебединайга РТРС-1 уонна РТРС-2 цифровой ханааллар пакеттарын эфирнэй трансляцията быстах кэмҥэ арахсыаҕа», – диэн этиллэр.
Трансляция арахсар кэмигэр телевизор экраныгар «Нет сигнала» эбэтэр «Слабый сигнал» диэн сурук тахсарын туһунан олохтоохтору сэрэтэллэр. Маннык түгэҥҥэ телевизор настройкатын уларытар ирдэммэт — өрөмүөн үлэтэ түмүктэммитин кэнниттэн ханааллар салгыы көстөр буолуохтара.
