«Токо саһылчаан» мультфильм төрдүс сиэрийэтэ таҕыста

Саҥа сылы көрсө, «Токо Саһылчаан» сахалыы мультфильм төрдүс сиэрийэтэ сүрэхтэннэ. Бу мультипликационнай киинэ айылҕаны харыстыырга, үлэни таптыырга уонна да атын иитэр-үөрэтэр үтүө үгэскэ сирдиир. Санатан эттэххэ, бу бырайыак «АЛРОСА» — «Анаабыр Алмаастара» АУо үбүлээһининэн тэриллэн үлэлиир. Сүрүн сыала-соруга: 2-5 саастаах оҕолору сахалыы саҥарарга үөрэтии. Маны тэҥэ атын тэрилтэлэри, сахалыы тыллаах мультик тахсарыгар, өйөбүл-тирэх буоларга ыҥырыы. «Токо Саһылчаан» саҥа сиэрийэтин «Чохоон» оҕо ютуб ханаалыгар көрүҥ. Элбэх сиэрийэлээх мультигы 2019 сыл кулун тутарыгар устан саҕалаабыттар.