Америка уонна Россия бэрэсидьиэннэрэ эйэ кэпсэтиитин ырыттылар уонна иирсээни тохтоторго үлэни саҕалыырга быһаарыстылар.
АХШ бэрэсидьиэнэ Дональд Трамп РФ бэрэсидьиэнэ Владимир Путинныын кэпсэппитин сыаналаата.
«Россия бэрэсидьиэнин кытта кэпсэтии олус үчүгэйдик ааста», – диэн Трамп этиитин Truth Social суруйар.
Трамп этэринэн, кэпсэтии кэмигэр иирсээни тохтоторго элбэх боппуруоһу көрбүттэр уонна билигин аан дойду үрдүнэн дьон-сэргэ олоҕун харыстыырга, эйэни олохтуурга ылсыбыт дьыаланы тиһэҕэр тиэрдэргэ дьулуһуохтара. Икки дойду лиидэрдэрэ энергетикэ уонна ньиэп инфраструктураларыгар уоту тохтотор туһунан кэпсэппиттэр.
«Россия уонна Украина икки ардыгар иирсээни тохтотор сыаллаахпыт-соруктаахпыт», – диэн Америка баһылыга эттэ.
Трамп уонна Путин бүтэһигин олунньу 12 күнүгэр кэпсэппиттэрэ.
