Дональд Трамп Үрүҥ дьиэҕэ Россия уонна АХШ кэпсэтиилэрин туһунан иһитиннэрии оҥордо, Зеленскэйи улаханнык сэмэлээтэ
Сүрүн этиилэрэ:
— Эр-Риядка АХШ-Россия кэпсэтиилэрин кэнниттэн, Украинаҕа иирсээни быһаарарга сөбүлэһии ситиһиилээх буолуо диэн эрэлим быдан күүһүрдэ;
— Россия уонна АХШ Украина кэпсэтиилэрин Киев cөбүлээбэтэҕин туһунан иһитиннэрииттэн Трамп кэлэйбитин эттэ: «Кинилэргэ кэпсэтиини ситиһэргэ 3 сыл баар этэ»;
— Украинаҕа иирсээни аҕыйах сыллааҕыта «Саатар боростуой кэпсэтээччинэн» сир сүтэриитэ, хорумньута суох быһаарыахха сөп этэ;
— Өскөтүн Украина кэпсэтии остуолугар миэстэни баҕарар эбит буоллаҕына, быыбар ыытыллыан наада. Зеленскэйи билигин норуот 4 эрэ бырыһыана өйүүр;
— Россия «олус түргэнник» Украина куораттарын, ол иһигэр Киевы, 100% суох оҥорор кыахтаах, ол эрээри ону оҥоруон баҕарбат;
— Украинаҕа биэрбит харчыбыт барыта ханна барбытый? АХШ биэрбит харчытын аҥара ханна баарын Зеленскэй бэйэтэ да билбэт;
— АХШ Украинаҕа Европа байыаннайдарын ыытары утарбат, ол эрэн онно Америка байыастара суох буолуохтара.
