Саха сирин олохтоохторун Россия күнүгэр «Триколор» аахсыйаҕа кыттаргытыгар ыҥыраллар. Волонтердар дойду былааҕын өҥнөрүнэн лиэнтэлэри «Туймаада», «Проспект», «ЦУМ» уонна «СахаЭкспоЦентр» атыы-эргиэн кииннэригэр түҥэтиэхтэрэ.
Сүрүн тэрээһиннэр онлайн буолуохтара. Ол курдук бэс ыйын 10-12 күннэригэр «Окна России» уонна «Флаги России» аахсыйалар ыытыллыахтара. Бу күннэргэ түннүктэргитин Россия былааҕынан, бырааһынньыкка аналлаах наклейкаларынан, уруһуйударынан киэргэтиэххитин сөп. Композицияны оҥорон баран, Instagram-ҥа #ОкнаРоссиивЯкутии #МыЯкутия #МыРоссия #СтранаПобедителей таһааран, @minmol_ykt бэлиэтиэххитин наада. Бастыҥ үлэлэр Саха сирин ыччатын министиэристибэтин сайтыгар, НВК «Саха» ханаалларга тахсыахтара. Бу күннэргэ тик-токка, инстаграмҥа үҥкүү флеш-мобтара ыытыллыахтара. Үҥкүүнү #ДеньРоссиивЯкутии #МыРоссия #СтранаПобедителей хештегинэн бэлиэтиигит.
