Дьокуускайга «Триумф» спорт киинигэр аһыллыбыт амбулаторнай кииҥҥэ быраастар сэттэ күн устата 10,5 киһини көрбүттэр. Бу туһунан ТАСС иһитиннэрэр.
Бу туһунан өрөспүүбүлүкэтээҕи суһал штаб салайааччытын солбуйааччы Ольга Балабкина иһитиннэрдэ.
«Медицинскэй тэрилтэлэргэ ноҕурууска үрдээбитинэн сибээстээн, «Триумф» спортивнай комплекска сытыы респираторнай вирус инфекциятынан ыалдьыбыт дьону көрөр амбулаторнай киин тэриллибитэ. Сэттэ күн устата быраастар 10500 ыарыһаҕы көрөннөр, поликлиникаларга, медицинскэй тэрилтэлэргэ ноҕурууска намтаата», — диэтэ кини.
Ону тэҥэ Миирнэйгэ амбулаторнай киин аһыллыбытын вице-премьер бэлиэтээтэ.
Саха сиригэр поликлиникаларга, балыыһаларга дьиэҕэ медициницкэй көмөнү оҥорор биригээдэ ахсаана 621-гэ диэри элбээтэ. Быраастары 441 масыына таһар, ону тэҥэ министиэристибэлэргэ, биэдимэтибэлэргэ, дьаһалталарга уонна тутулуга суох тэрилтэлэргэ 98 масыына көрүлүннэ.
Медицинскэй тэрилтэлэргэ ХИФУ медицинскэй институтун 216 ординатора, 570 устудьуона медперсоналынан, волонтерунан, колл-киин операторынан үлэлииллэр. Медицинскэй колледжтан көмөҕө 300-чэ устудьуон сылдьар.
