Россия бырабыыталыстыбатын бэрэссэдээтэлин солбуйааччыта — Уһук Илиҥҥи федеральнай уокурукка Россия бэрэсидьиэнин боломуочуйалаах бэрэстэбиитэлэ Юрий Трутнев регион баһылыктарыгар нэһилиэнньэҕэ коронавирустан быһыыны туруоруу тэтимин түргэтэтэргэ соруйда. Бу туһунан ТАСС иһитиннэрэр.
Иһитиннэриини боломуочуйалаах бэрэстэбиитэлистибэ аппараатын пресс-сулууспата тириэртэ.
«Юрий Трутнев регион баһылыктарыгар балаһыанньаны анаалыстыырга уонна быһыыны туруоруу тэтимин түргэтэргэ соруйда. Ону тэҥэ, медицинэ өҥөтүнэн, сириэстибэнэн уонна эминэн-томунан кэмигэр хааччыйыы анаалыһын ирдээтэ», — диэн ТАСС иһитиннэрэр.
Вакцинация боппуруоһа эпидемиологическай балаһыанньанан сытыытык турар — 42 тыһыынчаттан тахса Уһук Илин олохтооҕо эмтэнэр, ол иһигэр 11 тыһыынча киһи балыыһаҕа киирбит.
Камчатскай кыраайга, Бурятия өрөспүүбүлүкэтигэр, Еврейскэй автономнай уобаласка, Хабаровскай кыраайга быһыыны туруоруу тэтимэ бытаана бэлиэтэнэр.
Чукотка автономнай уокуругар, Саха сиригэр уонна Еврейскэй АУо ыалдьыы тэтимэ үрдүгэ билиннэ.
